Вы паслухайце родную мову:
Жаўруковаю песняй звініць…
Колькі фарбаў, адценняў у слове!
Як пявуча ліецца – гучыць!
18 лютага для вучняў 6-7 класаў прайшло вельмі займальнае мерапрыемства пад назвай “Нам засталася спадчына”. З вялікім задавальненнем каманды: “Васількі”, “Знічкі”, “Беларускія рамонкі” змагаліся за права быць лепшымі знаўцамі беларускай мовы, знаўцамі таямніц роднага слова.
Цікава і пазнавальна прайшлі такія конкурсы, як “Конкурс капітанаў”, “Гавары на роднай мове правільна”, “ Старажытная мова – сучасная мова”, “З рускай – на беларускую”, “Таямніцы фразеалагізмаў”.
Родная мова мае вялікае значэнне для кожнай нацыі, кожнага народа, бо няма народа без мовы, няма мовы без яе носьбіта. І мы, беларусы, не выключэнне. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная. І удзельнікі мерапрыемства яшчэ раз у гэтым упэўніліся!
Віншуем пераможцаў гульні! Жадаем поспехаў у вывучэнні сваёй роднай мовы!
Беларуская мова – мелодыя сэрца!
